പൊന്നാനി ഉപജില്ലാ കലോത്സവത്തിന്റെ ഉദ്ഘാടനം പൊന്നാനി നഗരസഭ ചെയർമാൻ മുഹമ്മദ്‌ കുഞ്ഞ് നിർവഹിച്ചു.പൊന്നാനി നഗരസഭ കൌണ്‍സിലർ മുഹമ്മദ്‌ ബഷീർ അധ്യക്ഷത വഹിച്ചു.ബ്ലോക്ക്‌ പഞ്ചായത്ത് പ്രസിഡന്റ്‌ ആറ്റുണ്ണി തങ്ങൾ,മാറഞ്ചേരി പഞ്ചായത്ത് പ്രസിഡന്റ്‌ അഡ്വ:ഇ.സിന്ധു, മുൻ എം.പി. സി.ഹരിദാസ്,എ.ഇ.ഒ.മുഹമ്മദ്‌ അലി,പൊന്നാനി ഉപജില്ലാ പി.ടി.എ. പ്രസിഡന്റ്‌ അബ്ദുറഹിമാൻ പോക്കർ എന്നിവർ ആശംസകൾ അർപ്പിച്ചു ...

എം എസ് എസിന്റെ കീഴിൽ പൊന്നാനിയിൽ പ്രവർത്തിക്കുന്ന സ്പെഷ്യൽ സ്കൂളിലെ അറുപതോളം കുട്ടികൾക്കൊപ്പം ആടിയും പാടിയും കളിച്ചും ചിരിച്ചും പൊന്നാനി സ്കോളർ കോളേജിലെ കുട്ടികൾ പുതു തലമുറയുടെ നന്മ മരങ്ങളായി ..... 

കളിയും ചിരിയും മാത്രമല്ല വയറ് നിറയെ ചിക്കൻ ബിരിയാണിയും നൽകിയാണ് കോളേജ് കുട്ടികൾ തങ്ങളുടെ സന്തോഷം പ്രകടിപ്പിച്ചത് . സ്‌കോളർ കോളേജ് യൂണിയന്റെ നേത്യതത്തിൽ 35 ഓളം കുട്ടികളാണ് ഒരു അധ്യയന ദിനം മുഴുവൻ സ്പെഷ്യൽ സ്കൂൾ കുട്ടികൾക്കൊപ്പം ചിലവഴിച്ചത് . രാവിലെ 10 മുതൽ മൂന്നര വരെ നീണ്ട സ്നേഹക്കൂട്ടായ്മക്ക് മറുപടിയായി കുട്ടികൾ വിവിധ കലാപരിപാടികൾ അവതരിപ്പിച്ച് അതിഥികളെ സ്വീകരിക്കുകയും ചെയ്തു . ഒടുവിൽ കോളേജ് കുട്ടികൾ കൂട്ടുകാരായി മാറി യാത്ര പറഞ്ഞ് പിരിഞ്ഞപ്പോൾ കുട്ടികളുടെ കണ്ണ് നനയുകയും ചെയ്തു .

സ്കോളർ കോളേജ് യൂണിയൻ ചെയർമാൻ ഫർഷാദ് , പ്രിൻസിപ്പാൾ പുഷ്പജ ,മാനേജർ സി അജിത്ത്, യൂണിയൻ നേതാക്കളായ ഷഫ്ന , രജീഷ് , അഫ്നാസ് , നഹാദ് , ഫ0ന ,മുർഷിദ അധ്യാപകരായ രതി , ,ശുഭ എന്നിവർ നേതൃത്വം നൽകി