പൊന്നാനി സി.വി ജംങ്ഷൻ സ്വദേശിയായ വിമൽ(27) എന്ന യുവാവിനെ ബിയ്യം കായലിൽ മരിച്ച നിലയിൽ കണ്ടെത്തി. മൃതദേഹം പൊസ്റ്റ്മൊർട്ടത്തിനായി തൃശ്ശൂരിലേക്ക് കൊണ്ടുപോയി.. കൂടുതൽ വിവരങ്ങൾ അറിവായിട്ടില്ല. മിനിഞ്ഞാന്നു(23/11) മുതലാണ്‌ വിമലിനെ കാണാതായത്.

എം എസ് എസിന്റെ കീഴിൽ പൊന്നാനിയിൽ പ്രവർത്തിക്കുന്ന സ്പെഷ്യൽ സ്കൂളിലെ അറുപതോളം കുട്ടികൾക്കൊപ്പം ആടിയും പാടിയും കളിച്ചും ചിരിച്ചും പൊന്നാനി സ്കോളർ കോളേജിലെ കുട്ടികൾ പുതു തലമുറയുടെ നന്മ മരങ്ങളായി ..... 

കളിയും ചിരിയും മാത്രമല്ല വയറ് നിറയെ ചിക്കൻ ബിരിയാണിയും നൽകിയാണ് കോളേജ് കുട്ടികൾ തങ്ങളുടെ സന്തോഷം പ്രകടിപ്പിച്ചത് . സ്‌കോളർ കോളേജ് യൂണിയന്റെ നേത്യതത്തിൽ 35 ഓളം കുട്ടികളാണ് ഒരു അധ്യയന ദിനം മുഴുവൻ സ്പെഷ്യൽ സ്കൂൾ കുട്ടികൾക്കൊപ്പം ചിലവഴിച്ചത് . രാവിലെ 10 മുതൽ മൂന്നര വരെ നീണ്ട സ്നേഹക്കൂട്ടായ്മക്ക് മറുപടിയായി കുട്ടികൾ വിവിധ കലാപരിപാടികൾ അവതരിപ്പിച്ച് അതിഥികളെ സ്വീകരിക്കുകയും ചെയ്തു . ഒടുവിൽ കോളേജ് കുട്ടികൾ കൂട്ടുകാരായി മാറി യാത്ര പറഞ്ഞ് പിരിഞ്ഞപ്പോൾ കുട്ടികളുടെ കണ്ണ് നനയുകയും ചെയ്തു .

സ്കോളർ കോളേജ് യൂണിയൻ ചെയർമാൻ ഫർഷാദ് , പ്രിൻസിപ്പാൾ പുഷ്പജ ,മാനേജർ സി അജിത്ത്, യൂണിയൻ നേതാക്കളായ ഷഫ്ന , രജീഷ് , അഫ്നാസ് , നഹാദ് , ഫ0ന ,മുർഷിദ അധ്യാപകരായ രതി , ,ശുഭ എന്നിവർ നേതൃത്വം നൽകി

പള്ളപ്രം ദേശീയ പാതയിൽ പുതിയ പാലം നിർമിക്കുന്ന പദ്ധതി പ്രദേശത്ത് കണ്ടെത്തിയത് പുലിയല്ലെന്ന് വനം വകുപ്പ് അധികൃതർ . 

ഞായറാഴ്ച രാത്രിയാണ് പള്ളപ്രം മേഖലയിൽ പുലിയെ കണ്ടതായി അഭ്യൂഹം പരന്നത് . ഇതിനെത്തുടർന്ന് സംഭവസ്ഥലത്ത് നൂറുകണക്കിനാളുകൾ തടിച്ച് കൂടിയിരുന്നു . ഇത് വഴി പോയ ചരക്കു ലോറിക്കാരും പുലിയെ കണ്ടതായി അവകാശപ്പെട്ടിരുന്നു .ഇതോടെ നാട്ടുകാർ ഭീതിയിലായി .

പുലിയുടെതാണെങ്കിൽ നഖങ്ങൾ ഭൂമിയിൽ പതിയാറില്ലെന്നും ആക്രമണ സമയത്ത് മാത്രമെ നഖങ്ങൾ പുറത്ത് വരികയുള്ളൂവെന്നും വനംവകുപ്പ് അധികൃതർ പറഞ്ഞു . നായ നടക്കുമ്പോൾ തന്നെ പുറത്തേക്ക് തള്ളി നിൽക്കുന്ന നഖങ്ങൾ മണ്ണിൽ പതിയു മെന്നും വനം വകുപ്പ് അധികൃതർ പറയുന്നു

പൊന്നാനിയിൽ കണ്ടത് പുലിയല്ലെന്ന് സ്ഥിരീകരിച്ചതോടെ നാട്ടുകാർ ആശ്വാസത്തിലാണ്